A rôh tơpui phôn, pôa Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối, Việt Nam đi đo ngăn nhoăm tơrŭm cheăng tung hên kơvâ tơdroăng ƀă Swiss, púi vâ péa pâ pơtối tơrŭm krá, tơbleăng pêi tơƀrê ƀă pro trâu rơdâ tâ nếo tơdroăng tơrŭm cheăng tung tŭm tơdroăng châ mơjiâng a khế 1/2025. Péa ngế kăn xiâm tối, tung pơla tơdroăng tung lâp plâi tơnêi pơtối pơ’lêh rĕng, lêu tah ki pá, tơvâ tơvân ƀă ôh tá ‘nâi hdrối ti lâi, péa tơnêi têa thăm rế mơdêk tơrŭm tơpui tơno, ‘mâi mơnhông tuăn loi ‘na kal kí pro krá tâ nếo tơdroăng tơrŭm pơla péa pâ tung hên tơdroăng.

‘Na tơrŭm tung hên tơdroăng cheăng, péa pâ thế môi tuăn mơdêk tơrŭm dêi rơpó a mâu hneăng hôp lâp plâi tơnêi ƀă tung tơdrăng cheăng dêi Khu lâp kong têa vâ veăng tăng troăng tơleăng mơnhên mâu tơdroăng lâp plâi tơnêi ki péa tâ rơhêng ‘nâi plĕng ing tơdroăng nhoăm luât lâp plâi tơnêi, xua hơniâp lĕm, tơniăn ƀă mơnhông kro mơdrŏng a kơpong xuân môi tiah tung lâp plâi tơnêi.