Tối ‘na tơdroăng cheăng ki xiâm dêi Đảng Kŏng san Việt Nam tung la ngiâ, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối ăm ‘nâi, môi tung mâu tơdroăng cheăng ki kal má môi dêi Việt Nam cho pêi lĕm tro tơdroăng hbrâ ăm Hneăng hôp má XIV dêi Đảng – Hneăng hôp hiăng châ mơnhên cho tơdroăng ki hdró ki kal, tơdroăng ki mơnhông mơdêk nếo, chal nếo, chal xông tơtêk dêi hdroâng mơngế Việt Nam a troăng to chuh ngiah pơlê pơla.

Ing hlá mơ-éa chôu vế tơrŭm cheăng tung hneăng nếo pơla Hngêi trung Đảng Trung ương Sinuâ ƀă Hok viê̆n Chĭn trĭ Kuô̆k ya Hồ Chí Minh nếo kĭ tơkêa ƀă mâu tơdroăng châ tơƀrê tung pơla kố nah, vâ pro trâu hơngế tơ’nôm tơdroăng ki xiâm dêi râ nếo tung tơrŭm péa Đảng, péa tơnêi têa, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, péa Hngêi trung mơdêk trâm mâ, tơpui tơno; krếo mâu khu râ kăn pơkuâ ƀă mâu yăo sư, mâu ngế ki rơkê dêi Hngêi trung lăm a Việt Nam vâ thăm tơrŭm cheăng, mơdêk tơdroăng ki loi tơngah ƀă hlê plĕng dêi pó.