Hneăng ăm pôu pêi cheăng kong têa ê ki apoăng drêng  to pro Kăn xiâm pơkuâ hnê ngăn Đảng, pôa Tô Lâm - Kăn xiâm hnê ngăn tơnêi têa hiăng klêi tơniăn lĕm hneăng lăm pôu pêi cheăng ing mâu tơdroăng, veăng mơnhông tơrŭm pêi tơdroăng kal ƀă tơdroăng mơjiâng kuăn pơlê tối mâu tơdroăng tung la ngiâ dêi Việt Nam - Sinuâ ai pơxúa, veăng ‘no hnoăng pro hơniâp lĕm tơniăn ƀă mơnhông tung kơpong ƀă lâp plâi tơnêi.

Tung lối 2 hâi pêi cheăng, pôa Tô Lâm, Kăn xiâm pơkuâ hnê ngăn Đảng  hiăng ai cheăng pêi hên ƀă pơxúa ƀă 18 tơdroăng cheăng. Tung hneăng lăm pôu, péa pâ hiăng tơbleăng tơdjuôm ‘na tơdroăng mơdêk tâ nếo tơrŭm cheăng tung tŭm tơdroăng, prôk trâu tung tơdroăng mơjiâng  kuăn pơlê veăng hnê tối ăm dêi rơpó tung la ngiâ pơla Việt Nam  - Sinuâ.

Mâu khu xiâm, kơvâ cheăng ƀă kong pơlê péa tơnêi têa hiăng kĭ hên hlá mơ-éa tơrŭm cheăng tung mâu kơvâ tí tăng ngăn, ‘na tê mơdró tíu tơkăng kong, ‘na khăm pơlât, ‘na tối tơbleăng, tơrŭm ƀă mâu kong pơlê, tơdroăng rêh ối.