Klêi kơ’nâi hnê mơhno tơdroăng ki kal ƀă mâu khu pú Khu hnê mơhno má môi Khu pơkuâ tơdroăng Đảng tơpui tơno, pôa Tô Lâm - Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối mơgêi mâu hnoăng cheăng ki tâi tâng Đảng ƀă khu cheăng kal kí kal thế tơkŭm, tơleăng tung la ngiâ môi tiah: Tơkŭm séa ngăn mâu tơdroăng ki u ối sap ing kố troh tâu hơnăm 2024 ƀă pơkâ mâu troăng pêi, túa pêi vâ kêi đeăng rĕng, châ tơƀrê; pơtối tơdroăng hbrâ vâ tơniăn lĕm tro má môi ƀă Hneăng hôp roh má X Khu xiâm pơkuâ Đảng hneăng má XIII; mâu khu iâ mơngế châ rah xo hriăn plĕng mơ-éa ki kal hbrâ ăm Hneăng hôp XIV dêi Đảng kal tơkŭm po mâu tơdroăng xiâm tơdroăng cheăng tiô tro troăng.

Ƀă hnoăng cheăng mơnhông cheăng kâ – rêh ối pơlê pơla, kal tơkŭm tah lôi mâu tơdroăng pá puât, tơvâ tơvân, tíu kreăng vâ pro troăng tơ’lêi hlâu ăm khu tê mơdró, ngế mơdró ai liăn ngân mơnhông, tơdroăng mơ’no liăn cheăng, tê mơdró, mơdêk pêt mơjiâng tơmeăm châ tơƀrê, pro tơdroăng ki hâk vâ ƀă kuăn pơlê tung tơdroăng pêt mơjiâng tơmeăm, tê mơdró ƀă tơdroăng rêh ối rêm hâi. Hneăng hôp xuân tơpui, pơkâ thế ƀă troăng tơleăng hên tơdroăng ki kal ki ê dêi tơnêi têa tung la ngiâ.