Pôa Tô Lâm, Kăn xiâm hnê ngăn tơnêi têa kheăn kơdeăn ki kơnâ roh lăm pôu, mơnhông hnoăng djâ troăng apoăng tung mâu kong pơlê tơkăng kong péa tơnêi têa vâ pêi pro inhên hlê plĕng tơdjuôm nếo má môi pơla Khu râ kăn pơkuâ râ kăn xiâm péa Đảng, péa tơnêi têa ‘na thăm tơrŭm tâ mê nếo tơrŭm cheăng ton xŏn tâi tâng, mơdêk mơjiâng Pơlê pơla kum tung tơdroăng la ngiâ Việt Nam – Sinuâ.

Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên Kăn xiâm pơkuâ péa Đảng, péa tơnêi têa ngăn nhuô̆m ƀă kơjo má môi mơnhông tơrŭm cheăng pơla Việt Nam – Sinuâ, đi đo ăm tơdroăng tơmâng tŏng kum má môi mơnhông tơrŭm cheăng nhŏng o, tơrŭm cheăng péa pâ pơrá châ pơxúa pơla mâu kong pơlê tơkăng kong péa tơnêi têa, tung mê ai tơrŭm cheăng Quảng Tây ƀă mâu kong pơlê tơkăng kong peăng mâ hâi lo pá Kơnhŏng dêi Việt Nam.