A roh trâm mâ, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa tối rơrêk tung hiâm mơno vêh trâm mâu lêng hneăng hdrối nah – mâu ngế ki tơplâ châ ƀlêi trâng tơnêi têa, mâu ngế ki veăng tung tơplâ xâ nah mâu hneăng phá tơ-ê dêi pó dêi Sư đoân 308.

Pôa Tô Lâm - Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế mâu mô đô̆i hneăng hdrối nah Sư đoân 308 đi đo rak hiâm mơno lĕm “Mô đô̆i Pôa Hồ”; pơtối mơnhông khôi túa vâi krâ nah dêi đông lêng Ngế khên tơnôu khu lêng; djâ troăng ahdrối, prôk hdrối pêi pro troăng pơkâ pêi, troăng hơlâ dêi Đảng, Tơnêi têa, đi đo cho um méa bâ eăng ăm rơpŏng hngêi, kuăn cháu pêi tiô; thăm veăng mơjiâng Khu lêng ƀeăn rơkê, tŭm mơngế, rơdêi, chĭn quy, ƀeăn ƀĕng, tiô rơxông nếo; rŭm môi tuăn tah lôi mâu tơdroăng pá puât, tŏng kum dêi pó, ƀă hiâm mơno Mô đô̆i hneăng hdrối nah kum dêi pó kơdroh kơtiê, pêi cheăng kâ rơkê, kum mơnhông cheăng kâ – rêh ối pơlê pơla dêi kong pơlê.