Tơpui tơno ƀă mâu kăn, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa tối nhên, kuăn pơlê Việt Nam đi đo châ hơniâp lĕm, hâk tơngăm xua ai Pôa Hồ, ngế kăn ki rơkê - Khên tơnôu pro tơleăng lĕm hdroâng mơngế, Ngế chêh văn ki rơkê  má môi, ngế rơkê túa lĕm tro  plâi tơnêi . Malối, mâu ki ai mâ tung rôh trâm mâ mê ối tâ hâk tơngăm, cho mâu ngế ki hmâ ối a chê Pôa kơxo kơxê, hiăng pêi cheăng tâi hiâm mơno rak ngăn tá hiâm mơno vâ nhoăm pâ kơ pôa pá kâi tối.

Tối tơdroăng rơrêk tung hiâm mơno drêng tâng hơ’muăn tối mâu tơdroăng tơbâ ‘na tơdroăng rêh ối pêi cheăng dêi Pôa; Pôa Tô Lâm Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, pơtối pêi pro tơdroăng “Niên tiah hâi kố kơnôm ai hnoăng vâi krâ nah’’, Đảng, Tơnêi têa đi đo nhoăm, mơnê hnoăng ki mâu mêh miê, tăm xăng, ngoh nâ hiăng pleăng tơná pêi cheăng rak ngăn, kring vế Pôa Hồ drêng ối rêh nah ƀă rak ngăn, pơtối rak vế tơmeăm khoăng dêi Pôa a Tíu pêi cheăng dêi Kăn xiâm hnê ngăn tơnêi têa.