Kăn xiâm pơkuâ hnê ngăn Đảng tối, Mih cho kong têa tơrŭm cheăng kâ ƀă ‘no liăn cheăng má môi dêi Việt Nam, tối mâu tơdroăng mơnhông rĕng, tŭm tơdroăng dêi Việt Nam - Mih tung 30 hơnăm riân sap tơrŭm cheăng, tung mê tơrŭm cheăng kâ, tê mơdró ƀă ‘no liăn cheăng pơtối cho xiâm dêi tơdroăng tơrŭm cheăng pơla péa pâ.

Kăn xiâm pơkuâ hnê ngăn Đảng púi vâ  mâu khu ‘no liăn cheăng dêi kong têa ê, tung mê ai khu ‘no liăn pêi cheăng dêi Mih pơtối mơdêk ‘no liăn cheăng a Việt Nam, malối tung mâi kơvâ pơ’lêh kơxô̆ ki tơleăng, on tơhrik ‘mâi pro, on tơhrik krúa, hbrâ ví ƀă hyôh kong prâi hơ’lêh. Kăn xiâm pơkuâ hnê ngăn Đảng xuân pơkâ thế mâu khu mơdró dêi Mih, tung mê ai Liăn ‘măn kơdĭng KKR pơtối veăng ‘no hnoăng pêi tơrŭm cheăng pơla péa pâ, malối cho tơrŭm cheăng kâ, khoa hok ƀă kŏng ngê̆ pơla péa tơnêi têa.