A rôh tơdah, pôa Tô Lâm - Kăn xiâm pơkuâ hnê ngăn Đảng tối Slovakia cho ngế pú hmâ ki khât, achê dêi Việt Nam; mơnê Chin phuh ƀă kuăn pơlê Slovakia hiăng veăng gum, tơrŭm môi tuăn ƀă kuăn pơlê Việt Nam tung plâ 75 hơnăm hdrối kố nah. Pôa Tô Lâm pơkâ thế péa pâ mơnhông rơdêi tâ nếo tơrŭm cheăng tung kơvâ pêi cheăng ‘na kơmăi kơmok cheăng lêng, hnê mâu lêng, rak hơniâp lĕm...

Pôa Tô Lâm - Kăn xiâm pơkuâ hnê ngăn Đảng pơkâ thế péa pâ pơtối rak tơpui tơno tơrá mâu kăn rêm râ; hlối pơtối rak vế pêi ai pơxúa mâu luât kơ-êng ƀă tơrŭm nôkố vâ mơnhông tơƀrê tâ nếo  tung tơrŭm cheăng péa pâ xông tơƀrê khât, tŭm tơdroăng hlối krá kak; pakĭng mê, pro hlâu vâ mâu khu xiâm, kơvâ cheăng ƀă khu mơdró péa tơnêi têa tơdjêp ƀă, po rơdâ tơrŭm cheăng mơnhông cheăng kâ ƀă khoa hok kơmăi kơmok chiâng xiâm ki kal tung tơrŭm péa pâ, mơdêk tâ nếo tơrŭm mơhno túa lĕm tro, hnê hriâm, ôm hyô hlối trâm mâ tơpui tơno ƀă kuăn pơlê.