A rôh hôp, péa ngế kăn hiăng tơpui ‘na tơdroăng tơrêm kong têa, tơdroăng tơrŭm pơla Việt Nam - Triều Tiên ƀă mâu tơdroăng lâp plâi tơnêi, tung kơpong ki péa pâ rơhêng ‘nâi plĕng. Péa pâ vâ môi tuăn mơdêk tơpui tơno pơla mâu kăn ƀă rêm râ drăng mâu ƀâng Đảng, Tơnêi têa, Chin phuh, Kuô̆k hô̆i, tơrŭm ƀă mâu kong pơlê vâ mơdêk tối ăm dêi rơpó ‘nâi túa pêi cheăng, thăm mơnhông tuăn loi nhoăm tơdroăng kal kí ƀă hlê plĕng dêi rơpó; pơtối rak ki tơƀrê, mâu luât pơkâ tơpui tơno ƀă tơrŭm cheăng, tăng ‘nâi plĕng ivá tơrŭm cheăng tung mâu kơvâ cheăng tơtro; mơnhông trâm mâ tơpui ƀă kuăn pơlê, thăm tơrŭm krá pơla péa kong têa.

Pôa Kim Jong-un tối, Triều Tiên púi vâ tơrŭm cheăng krá ƀă Việt Nam tung mơjiâng Đảng ƀă mơnhông kong têa, vâ mơdêk tơrŭm a hên kơvâ cheăng tơtro. Péa kăn xiâm hiăng tơpui ‘na tơdroăng tung kơpong ƀă lâp plâi tơnêi, môi tuăn vâ mơdêk tơrŭm cheăng, tŏng gum dêi rơpó ƀă xing xoăng mâu tơdroăng tơpui a mâu hneăng hôp hên pâ môi tiah Khu lâp kong têa, Hneăng hôp kơpong ASEAN.