Sap ai túa tơbleăng pêi hâi lơ 1/7/2024 troh nôkố, lâp tơnêi têa hiăng mơjiâng lối 86 rơpâu khu kring gak, pro tơniăn ƀă lối 276 rơpâu ngế. Mâu ki kố hiăng ăm kŏng an cheăm lối 141 rơpâu tơdroăng tối tơbleăng, kơjo kum ăm lối 90 rơpâu tơdroăng cheăng, veăng râk tơniăn tung kong pơlê.

A rôh trâm mâ, Kăn xiâm pơkuâ hnê ngăn Đảng khĕn kơdeăn tơdroăng hiăng mơhnhôk pêi ki mâu lêng châ pêi pro, hlối tối mâu tơdroăng pá, tơvâ tơvân dêi mâu ngế ki pêi cheăng a cheăm bêng kong pơlê. Kăn xiâm pơkuâ hnê ngăn Đảng tối, Đảng, Tơnêi têa kô pơtối pê klêi luât pơkâ, luât tŏng gum vâ ai khât chiâng “ khu lêng’’ ki kal tung tơdroăng kring gak, pro tơniăn.

Tung la ngiâ, Kăn xiâm pơkuâ hnê ngăn Đảng pơkâ thế mâu khu xiâm, kơvâ cheăng, kong pơlê mơdêk hnê tối, pro môi tuăn pơlê pơla, tơmâng veăng kơjo kum mơjiâng khu lêng ó rơdêi.