Tung plâ mâu hơnăm hdrối, tơrŭm cheăng kal kí, tơpui kâ khôi hmâ, tơrŭm tơroâ châ mơnhông tơniăn lĕm, mơhno ing hên rôh lăm pôu dêi khu râ kăn xiâm, pơtroh rêm râ khu kăn dêi pơkuâ dêi péa tơnêi têa. Péa tơnêi têa hiăng kĭ hên tơdroăng tơkêa, tơdroăng tơrŭm tung mâu kơvâ cheăng kal kí, tơpui kâ, cheăng kâ, tê mơdró, ‘no liăn cheăng, pêi chiâk deăng, păn ká xi xŏng, khoa hok-kŏng ngê̆, viễn thông, khăm pơlât, hnê hriâm-hnê mơjiâng tuăn ngoâ rơkê, túa lĕm tro, gâk kring pơlê pơla, liăn ngân, hngêi rak liăn, tơrŭm râ kong pơlê ƀă hên ki ê pro tơ’lêi hlâu ăm mâu khu xiâm, kơvâ cheăng po rơdâ tơrŭm cheăng.

Klêi kơ’nâi leh tơdah, pôa Tô Lâm, kăn xiâm pơkuâ hnê ngăn Đảng, kăn xiâm hnê ngăn tơnêi têa prếi kăn xiâm pơkuâ kong têa Mozambique ai rôh trâm ki iâ ƀă klêi mê pơkuâ djâ Khu kăn xiâm péa tơnêi têa hôp tơpui tơno, mơnhên tối klêi kơ’nâi tơrŭm cheăng pơla péa tơnêi têa tung pơla hdrối nah ƀă mơ’no mâu túa tơmiât pêi tơrŭm cheăng tung la ngiâ.