Hâi lơ 31/1, a pơlê kong kơdrâm Việt Trì, kong pơlê Phú Thọ, Đăi tươ̆ng Tô Lâm, Ngế cheăng tung Khu xiâm kal kí, Ngế xiâm ngăn Kŏng an pơkuâ po leh tơbleăng “Têt pêt loăng hơnăm 2023 dêi Khu xiâm ngăn Kŏng an – Xua môi Việt Nam ngiât”. Tơpui a Leh tơbleăng, pôa Tô Lâm tối nhên, pêi pro tiô rơkong krếo dêi Hồ Chí Minh, kăn xiâm hnê ngăn tơnêi têa hneăng apoăng, tâi tâng kuăn pơlê pin hiăng pêi pro “Têt pêt loăng” ki apoăng tung rôh Têt Lo hơnăm nếo canh Tý 1960.

Sap ing mê troh nôkố, ‘Têt pêt loăng” hiăng bro ai pơxúa kân khât ăm tơnêi têa ƀă hiăng chiâng môi khôi tơdroăng ki tiah hmâ, khôi túa ki tơniăn lĕm dêi Kuăn pơlê pin tung rêm rôh Têt troh, Rơnó Hơngui vêh. Riân troh nôkố, Khu xiâm ngăn Kŏng an hiăng pêt châ lối 5 rơtuh xiâm loăng ngiât, tung mê ai 2 rơtuh xiâm loăng châ pêt a mâu tíu pêi cheăng dêi Kŏng an mâu tíu pêi cheăng, kong pơlê ƀă 3 rơtuh xiâm loăng châ pêt tung mâu tíu ki kroăng phâk xua Khu xiâm ngăn Kŏng an rak ngăn.

Pơtối pêi pro rơkong krếo thế Têt pêt loăng dêi Pôa Hồ Chí Minh ƀă tơbleăng pêi pro hnoăng cheăng rak ngăn, rak vế, pêt loăng, pêt kong; rơtế ƀă lâp tơnêi têa tơdjuôm ivá, môi hiâm mơno pêt nếo môi xiâm rơtal liăn ngiât hneăng hơnăm 2021 – 2025, ƀă tơdroăng vâ pơkâ “Xua môi Việt Nam ngiât lĕm”