A Hà Nội, Đăi tươ̆ng Tô Tâm, Ngế xiâm Kŏng an hiăng tơdah Ngế xiâm phŏ pơkuâ kăn sát kong têa Nhuk – pôa Ogata Yoshimi drêng troh Hôp kân tơpui tơno ‘na kring tơniăn râ Ngế xiâm phŏ dêi Việt Nam - Nhuk roh má 7.  Koh hâk kơ pôa Ogata Yoshimi  ƀă mâu kăn dêi Kơ koan Kan sat kong têa Nhuk troh a Việt Nam veăng Hôp tơpui ‘na tơdroăng kring tơniăn râ Ngế xiâm phŏ dêi Việt Nam - Nhuk rôh má 7, pôa Tô Lâm Ngế xiâm tối, Tơpui tơno ‘na kring tơniăn râ Ngế xiâm phŏ  pơla Việt Nam - Nhuk rôh má 7 hiăng pro tơ ‘lêi hlâu ăm mâu ki rơkê kring tơniăn, Kăn sat Ngế xiâm pơkuâ kong an Việt Nam ƀă Kơ koan Kăn sát Nhuk tơpui tơno tơdrăng mâu tơdroăng ki péa pâ tơmâng  khât.

Ngế xiâm ngăn kŏng an - Tô Lâm  pơkâ thế mâu tíu pêi cheăng dêi Khu xiâm Kŏng an Việt Nam ƀă Kơ koan Kăn sat kong têa Nhuk tung la ngiâ tơmâng, tơkŭm pêi tơƀrê ‘na tơleăng mơnhên mâu ngế ai xôi ki nếo ‘nâi tung tơdroăng tơrŭm péa tơnêi têa rế ton rế trâu rơdâ, tơniăn tơnêi têa pơlê pơla, kring vế tơniăn hnoăng ki pơkuâ ƀă pơxúa tro luât ăm kuăn pơlê, mâu khu mơdró  Việt Nam ƀă Nhuk a tơrêm to kong têa.