A Rôh hôp, châ tơdroăng pơkâ thế dêi Khu pơkuâ ngăn Đảng ƀă Ngế xiâm pơkua Khu tơrŭm xiâm Tơnêi têa, pôa Phan Thăng An, kăn phŏ pơkuâ Khu tơrŭm cheăng xiâm Đảng tơbleăng pơkâ dêi Khu pơkuâ ngăn Đảng ‘na tơdroăng ki pơtroh, pơkâ thế pôa Trần Hồng Thái, Ngế cheăng tung khu pơkuâ ngăn Đảng, ngế xiâm phŏ pơkuâ Khoa hok ƀă kong ngê̆ cheăng tung Khu pơkuâ pêi cheăng, Khu pơkuâ ngăn, pro kăn phŏ pơkuâ ngăn Đảng Lâm Đồng pơla hơnăm 2020-2025 ƀă tơbleăng vâ pôk pro kăn hnê ngăn Vi ƀan kong pơlê Lâm Đồng, pơla hơnăm 2021-2026.

Pôa Trần Hồng Thái kot mâ hơnăm 1974, pơlê xiâm tơring Can Lộc, kong pơlê Hà Tĩnh; hriâm yăo sư, tiê̆n sih; hriâm klêi đăi hok a kong têa Rusi, bro luâ̆n án tiê̆n sih kơvâ cheăng Khoa hok trái đất ƀă Toăn hok a Đăi hok Tổng hợp hợp Heidelberg, kong têa Alơmăng.