Kơxê hâi lơ 23/2, a tíu pêi cheăng dêi Chin phuh, pôa Trần Lưu Quang, Ngế pro xiâm phŏ hnê ngăn Chin phuh pơkuâ hneăng hôp mơgêi tơdroăng cheăng pêi tung hơnăm 2022, tơbleăng pêi tung hơnăm 2023 dêi Vi ƀan rak tơniăn troăng tơƀai tơnêi têa. Hơnăm 2022, lâp tơnêi têa ai lối 600 rôh tơdroăng pro xôi ôh tá rak tơniăn troăng tơƀai, tâk lối 400 rôh tâng vâ pơchông ƀă hơnăm 2021; kơxô̆ tơƀai ôh tá vâ mot tung tơnêi têa tâk hên; malối hiăng ai 2 rôh mơnhâu ai khu ‘mêi pro ôh tá tơniăn. La mâu tơdroăng ki pro xôi ‘na troăng tơƀai ôh tá châ tơleăng mơnhên teăm tơdrêng, ôh tá lôi ai tơdroăng ôh tá tơniăn, đi đo pro tơniăn ƀă mâu tơdroăng cheăng dêi kơvâ tơƀai.

Tối mơgêi a hneăng hôp, pôa Trần Lưu Quang tối nhên, ‘nâi nhên tơdroăng cheăng thế rak tơniăn a troăng tơƀai, tơniăn troăng tơƀai cho hnoăng cheăng kal kí má môi. Xua mê mâu khu xiâm, kơvâ cheăng, kong pơlê thế mơ-eăm mơdêk pêi tơƀrê tơdroăng rak ngăn, tí tăng ngăn vâ tơniăn. Pakĭng mê, pêi tơdrêng mâu tơdroăng pơkâ vâ rak tơniăn, hbrâ mơdât khu ‘mêi  ki hriăn pro tơ’nhiê mâu tơmeăm khoăng dêi tơƀai.