Pôa Trần Lưu Quang, Ngế pro xiâm phŏ hnê ngăn tơnêi têa lăm pôu păng ‘nâng kong têa Tây Ban Nha sap ing hâi lơ 1 – 3/3 tiô rơkong krếo thế dêi Ngế pro xiâm phŏ hnê ngăn Tây Ban Nha, jâ Nadia Calvino. Rôh lăm pôu kố ai pơxúa kal khât, veăng kum pơtối tơbleăng troăng hơlâ tơpui kâ tơniăn krê, xua hơniâp lĕm, tơrŭm tơroâ, tơrŭm cheăng ƀă mơnhông mơdêk, hên kơvâ, hên tơrŭm cheăng tơpui kâ; cho pú hmâ, cho kong têa tơrŭm loi tơngah ƀă cho kong têa tơrŭm kơhnâ, pôu râng hnoăng cheăng tung mâu kong têa lâp plâi tơnêi, hbrâ rơnáu, kơhnâ tơrŭm ƀă kong têa ê, pro ivá nếo ăm tơdroăng mơnhông tơrŭm cheăng pơla péa pâ Việt Nam – Tây Ban Nha.

Tung rôh lăm pôu kố, péa pâ kô mơnhên tối tơrŭm cheăng pơla péa tơnêi têa tung pơla hdrối nah, môi tuăn mâu troăng hơlâ pêi pro nhên vâ pơkâ tơleăng mâu tơdroăng ki xơpá xuân môi tiah tơkêa mâu tơrŭm cheăng nếo tung mâu kơvâ cheăng ki châ kơjo môi tiah hngêi trăng, on tơhrik ngiât, hbrâ ví kong prâi hơ’lêh, rak ngăn têa vâ ăm tơrŭm cheăng tung la ngiâ pơla péa tơnêi têa mơnhông rơdêi ƀă ai pơxúa tâ nếo tung la ngiâ.