Kơxê hâi lơ 8/3, a ƀơrô Chin phuh, Pôa Trần Lưu Quang, Ngế pro xiâm phŏ hnê ngăn tơnêi têa tơdah Grup Sunny (Sinuâ) - pôa Diệp Lưu Ninh ƀă Khu kăn tơpui kâ mơdêk cheăng kâ Kyushu dêi (Nhuk). Grup Sunny dêi (Sinuâ) hmâ pêi pro mâu tơmeăm tơdjâk troh phôn, tơmeăm cảm ứng tơmeăm chiâng hrik ƀă mâu tơmeăm ki vâ kring vế.

A rôh tơdah, pôa Trần Lưu Quang, Ngế pro xiâm phŏ hnê ngăn tơnêi têa tối,  Grup Sunny rah ‘no liăn cheăng a Thái Nguyên cho pơkâ ki tro xua a kố cho kong pơlê ki hmâ pêi hên tơdroăng cheăng tung tơdah xo pêi mâu tơdroăng tơkêa bro ‘na kơmăi kơmok ki dâi lĕm. Pôa Trần Lưu Quang púi vâ  Grup  kố pơtối ‘no liăn pêi tơdroăng tơkêa bro ‘na kơmăi ki dâi lĕm a Việt Nam tối tơdjuôm ƀă Thái Nguyên tối krê vâ pro ăm ai tơmeăm ki lĕm dêi Sunny a Việt Nam.

Tơdah khu kăn tơpui tơno mơdêk cheăng kâ Kyushu dêi (Nhuk), pôa Trần Lưu Quang rơkâu khu kăn hiăng veăng leh pơxiâm pro tíu xiâm tơbleăng Kyushu a Hà Nội, kố cho tíu ki tơdjêp tơƀrê mơnhông mơdêk túa tơrŭm cheăng dêi kơpong Kyushu ƀă Việt Nam. ‘Na tơrŭm hnê mơngế pêi cheăng, pôa Trần Lưu Quang ăm ‘nâi, mơngế Việt Nam cho mơngế ki hiăng kơhnâ, ‘nâi mơ-eăm, xua mê, tơrŭm cheăng tung pêi ‘na kơvâ điều dưỡng cho tro ‘nâng.