Kơxo lơ 15/2, a Hà Nội po Rôh hôp cheăng kâ Việt Nam – Nhuk 2023. Tơdroăng kố xua Khu tơrŭm Tê mơdró ƀă Kơmăi kơmok Việt Nam (VCCI) ƀă Ƀơrô tê mơdró ƀă Kơmăi kơmok Nhuk tơrŭm tơkŭm po. Tơdroăng kố ai pơxúa khât drêng tơbâ 50 hơnăm mơjiâng tơrŭm cheăng tơpui kâ Việt Nam – Nhuk, apoăng dêi mâu tơdroăng cheăng tơrŭm mơdró kâ 2 tơnêi têa xua VCCI tơrŭm rơtế ƀă kong têa Nhuk kô tơkŭm po tung hơnăm kố.

Tơpui a rôh hôp, pôa Trần Lưu Quang, ngế pro xiâm phŏ hnê ngăn tơnêi têa tối nhên, péa tơnêi têa xuân ối ai hên tơnêi tơníu, tơdroăng ki ai hlâu tơrŭm cheăng, ‘mot tơ’nôm dêi rơpó, tơmiât troh 50 hơnăm mơjiâng tơrŭm cheăng tơpui kâ, péa pâ kô rơtế ƀă dêi rơpó tơdjuôm ivá veăng kum vâ tơrŭm cheăng péa tơnêi têa châ tơƀrê hên tơdroăng tâ nếo tung kơvâ cheăng kâ. Tung la ngiâ, péa tơnêi têa Việt Nam – Nhuk kal pơtối mơdêk tơrŭm cheăng ‘no liăn, malối cho tung mâu kơvâ pêi cheăng ƀă kơmăi kơmok ki xiâm.