Tơpui a hneăng hôp, pôa Trần Quang Phương, Kăn xiâm phŏ hnê ngăn Kuô̆k hô̆i tối nhên, Kuô̆k hô̆i hiăng tơbleăng Pơkâ ‘na tơkŭm khu kăn pơkuâ kơphô̆ ƀă tíu pơkâ mâu troăng hơlâ tŏng gum, troăng hơlâ pơkâ xiâm mơnhông Pơlê kong kân Đà Nẵng. Pơkâ kố ai pơxúa  kal khât, pro tơdroăng luât tơƀrê nôkố vâ Đà Nẵng mơnhông ki ai hlâu, ki pơxúa, mơnhông tơƀrê ‘na cheăng kâ rêh ối pơlê pơla, pêi pro hơ’lêh mâu túa tơmiât, tơdroăng vâ pê a Pơkâ kơxô̆ 43 dêi Khu xiâm pơkuâ tơdroăng kal kí ‘na mơjiâng ƀă mơnhông Pơlê kong kân Đà Nẵng troh hơnăm 2030, hnoăng pêi troh a hơnăm  2045.

Pôa Trần Quang Phương - Kăn xiâm phŏ hnê ngăn Kuô̆k hô̆i pơchân, tơdroăng ki pêi pro Pơkâ ƀă tơdroăng tŏng gum chía kân, tung hên kơvâ cheăng xuân môi tah pơkâ mơ’no mâu pơloăng mơnúa kân ăm pơlê kong kân, malối cho ƀă Hô̆i đong hnê ngăn pơlê kong kân tá ki rơkê hlá mơ-éa xuân môi tah tơdroăng ki mơjiâng. ‘Na troăng pơkâ mơjiâng kơpong tê mơdró tơniăn krê a Đà Nẵng, pôa Trần Quang Phương, Kăn xiâm phŏ hnê ngăn Kuô̆k hô̆i tối nhên vâ rĕng pêi pro ƀă pơkâ chiâng pơkâ kơxô̆ 43 pơkâ thế Hô̆i đong hnê ngăn, mâu Khu Hô̆i đong hnê ngăn athế veăng pêi ing nôkố hlối.