Roh kơ-êng ƀă tiâ rơkong kơ-êng kô châ tơkŭm po tung 1 hâi tơdế tơkŭm tung mâu tơdroăng ki châ tơƀrê, mâu tơdroăng ối tơvâ tơvân, ối pá tung tơdroăng pêi pro mâu pơkâ dêi Vi ƀan Hnê mơhno Kuô̆k hô̆i ‘na séa ngăn tơdroăng cheăng hriăn plĕng ƀă kơ-êng ing apoăng hneăng Kuô̆k hô̆i hneăng má 15 troh tâi hơnăm 2023.

A roh kơ-êng ƀă tiâ rơkong kơ-êng kố, Kăn xiâm hnê ngăn Kuô̆k hô̆i môi tuăn, tơdroăng pơkuâ kô ôh tá axoăng tiô hâi khế ăm rêm ngế xiâm, kăn pơkuâ kơvâ vâ kơdroh pá ăm mâu ngế ki tiâ; rêm kơvâ cheăng, kăn teăng mâ Kuô̆k hô̆i kô kơ-êng ‘na mâu kơvâ cheăng ki tơná vâ ‘nâi plĕng djâ tơdroăng ki nếo ai, tro tơdroăng, ví prôk trâu tung rơkong kơ-êng inhên; ngế ki pơkuâ ƀeăn ƀĕng rơkê tâ; tơdroăng ki mơgêi ăm rêm kơvâ cheăng kal ‘nâng ‘nâi.

Kăn xiâm hnê ngăn Kuô̆k hô̆i pơkâ thế Chin phuh, mâu khu xiâm kơvâ cheăng kal mơgêi tơdroăng pơtroh tơbleăng troh Vi ƀan pơkuâ Kuô̆k hô̆i hdrối hâi lơ 16/8.