Tơdrêng amê hvái ngăn tơdroăng tá hâi chiâng pêi, ối tơvâ tơvân, ối pá puât, xo vế túa ki rơkê tơtro vâ pêi pro lĕm tro tâ tung la ngiâ. Tối ăm ‘nâi, tung mâu khế pơtối, Kuô̆k hô̆i kô pêi pro 3 hneăng hôp tiah hmâ ƀă 1 hneăng hôp mơgêi hneăng cheăng Kuô̆k hô̆i hneăng má 15, pôa Trần Thanh Mẫn - Kăn xiâm hnê ngăn Kuô̆k hô̆i tối, kố cho kơxô̆ tơdroăng cheăng kân. Xua mê, Kăn xiâm hnê ngăn Kuô̆k hô̆i pơkâ, Hô̆i đong hdroâng kuăn ngo, mâu Vi ƀan dêi Kuô̆k hô̆i thế pêi pro kơtăng vâ pêi kêi đeăng lĕm tro hnoăng cheăng châ pơcháu.

Ki rơhêng vâ tối, hơnăm 2025, tơnêi têa ai hên tơdroăng kal ki kân, môi tiah: Leh tơbâ 80 hơnăm Kăch măng Khế 8 ƀă Hâi mơjiâng tơnêi têa lơ 2/9; 50 hơnăm Tơleăng lĕm peăng Hdroh tơnêi têa; tơdroăng hbrâ Tâ phĭu rah xo Kăn teăng mâ Kuô̆k hô̆i hneăng má 16 ƀă Hô̆i đong kuăn pơlê mâu râ hneăng hơnăm 2026 – 2031. Hơnăm 2026, Kuô̆k hô̆i Leh tơbâ 80 hơnăm hâi tâ phĭu rah xo kăn xiâm pơkuâ Kuô̆k hô̆i Việt Nam.