Hneăng hôp má 2, Kuô̆k hô̆i hneăng 16 tiô tối hdrối kô po tung vâ chê 30 hâi. Tơpui pơxiâm po hneăng hôp, pôa Trần Thanh Mẫn, Kăn xiâm hnê ngăn Kuô̆k hô̆i ăm ‘nâi, a rôh hôp kố cho hôp mơgêi Hneăng hôp má Môi ƀă ăm rơkong veăng tơpui tối rôh apoăng ‘na tơdroăng ki hbrâ ăm Hneăng hôp má Péa dêi Kuô̆k hô̆i hneăng XVI. Kăn xiâm hnê ngăn Kuô̆k hô̆i pơkâ thế kal mơnhên tối tơdrăng tung mâu tơdroăng chiâng pêi, tá hâi chiâng pêi, mơnhên nhên mâu tơdroăng ki kal ‘mâi rơnêu sap ing Hneăng hôp má Péa, vâ pôi tá bô bối tơdroăng pơtroh hrá pơtroh hrá hồ sơ, tá hâi tro tung hneăng hôp má Môi kố nah.

Kăn xiâm hnê ngăn Kuô̆k hô̆i pơkâ thế mâu kơ koan pơtroh, kơ koan pơkuâ chêh pro mơ-éa pêi kơtăng, pêi nhên hnoăng cheăng pôu râng; Khu cheăng ki ai mâ đi đo Hô̆i đong Hdrông kuăn ngo, mâu Vi ƀan, Ƀơrô cheăng Kuô̆k hô̆i tơrŭm, pơkâ kơtăng, séa ngăn tro tơdroăng, teăm tơbleăng ăm Vi ƀan pơkuâ cheăng Kuô̆k hô̆i.