A rôh tơdah, pôa Trần Thanh Mẫn, Kăn xiâm hnê ngăn Kuô̆k hô̆i tối rơdêi Đảng, Tơnêi têa ƀă Kuăn pơlê Việt Nam đi đo ngăn nhuô̆m ƀă rơhêng vâ rơtế ƀă Chin phuh ƀă kuăn pơlê Hàn Quốc pơtối mơnhông trâu rơdâ, ai pơxúa ƀă tơƀrê tâ nếo tơrŭm cheăng ƀă kong têa tơrŭm tung la ngiâ Tŭm têk ƀă Hàn Quốc. Nôkố Hàn Quốc cho kong têa tơrŭm cheăng tê mơdró kâ má 3 dêi Việt Nam (bu kơ’nâi Sinuâ ƀă Mih).

Hơnăm 2023, kơxô̆ liăn châ xo ing tê mơdró pơla péa pâ châ 76 rơtal dollar, 6 khế apoăng hơnăm châ vâ chê 150 rơtal dollar. Ki vâ dêi péa tơnêi têa châ mơdêk kơxô̆ liăn châ xo ing tê mơdró pơla péa pâ tâk troh 100 rơtal dollar a hơnăm 2025 ƀă tơmiât troh va chê 150 rơtal dollar a hơnăm 2030 tiô troăng tơdâng tơ’mô, krá ton. Pôa Trần Thanh Mẫn, Kăn xiâm hnê ngăn Kuô̆k hô̆i pơka thế tung la ngiâ ah, péa pâ thăm mơdêk trâmmâ, pơtroh khu râ kăn ƀă khu xiâm rêm râ, mâu khu kăn kuô̆k hô̆i tơrŭm tơroâ Vệt Nam – Hàn Quốc, Hàn Quốc – Việt Nam, khu kăn kuô̆k hô̆i tơrŭm hơnăm ối nếo tung mâu kơvâ mơjiâng luât xuân môi tiah hnoăng cheăng séa ngăn.