Pôa Trần Thanh Mẫn, Kăn xiâm hnê ngăn Kuô̆k hô̆i mơnhên, Việt Nam đi đo ngăn Mih cho khu tơrŭm ki kal ton xŏn, ƀă phiu ro Mih pơtối tơkêa môi tuăn môi Việt Nam krá rơdêi, tơniăn krê, mơnhông xêh ƀă kro mơdrŏng mơnhông tơtêk. Tung pơla kố nah mâu tơdroăng trâm mâ ƀă tơpui tơno khu châ thăm pêi pro a mâu tơdroăng, mâu râ. Tung la ngiâ, pôa Trần Thanh Mẫn pơkâ thế péa pâ pêi pro châ tơƀrê Tơbleăng tơdjuôm ƀă Pơkâ pêi Việt Nam – Mih vâ tơmiât troh leh tơbâ 30 hơnăm mơjiâng tơrŭm tơpui kâ péa tơnêi têa tung hơnăm 2025.

Kuô̆k hô̆i péa tơnêi têa kal tơpui tơno khu râ kăn xiâm ƀă mâu râ. Kăn xiâm hnê ngăn Kuô̆k hô̆i pơkâ thế, Mih pơtối séa ngăn tiô troăng ki tơtro mơnhên Pơkâ pêi cheăng kâ kơchơ dêi Việt Nam; rĕng djâ Việt Nam lo ing inâi mâu kong têa tro mơdât kơdroh tê tơmeăm ngi kong têa ê ‘na kŏng ngê̆ rơxông nếo.