Pôa Trần Thanh Mẫn, Kăn xiâm hnê ngăn Kuô̆k hô̆i mơnhên Việt nam đi đo nhuô̆m ƀă kơjo má môi tung tơrŭm nhŏng o kân kơnía, rŭm môi tuăn ki má môi ƀă tơrŭm tâi tâng ƀă Đảng, tơnêi têa ƀă kuăn pơlê Lếo. Tung la ngiâ, Kăn xiâm hnê ngăn Kuô̆k hô̆i pơkâ thế péa tơnêi têa thăm tơpui tơno khu râ kăn xiâm, mâu khu râ; tơrŭm krá tơniăn, tŏng kum dêi pó a mâu troăng pêi, hôp tơpui tơno hên troăng tung kơpong ƀă lâp plâi tơnêi.

Mâu khu tơrŭm cheăng, rêm râ kuăn pơlê péa tơnêi têa, ki xiâm cho Khu tơrŭm mâu khu tơrŭm nhŏng o Việt Nam ƀă Vi ƀan Hơniâp lĕm Việt Nam, Vi ƀan Hơniâp lĕm ƀă Tơrŭm môi tuăn Lếo tơrŭm krá tơniăn tâ, tơkŭm po hên tơdroăng hnê hriâm kal kí, troăng tơmiât pêi, ki rơhêng vâ tối cho rơxông hơnăm ối nếo ‘na mơnhông mơdêk, tiô khôi vâi krâ nah, tơdroăng tơrŭm môi tuăn nhŏng o kân kơnía Việt Nam – Lếo.