Teăng mâ Kăn xiâm Đảng, Tơnêi têa, pôa Trần Thanh Mẫn, Kăn xiâm hnê ngăn Kuô̆k hô̆i tơmâng xo, khê̆n kơdeăn ‘na tơdroăng ki kơdôu mơ-eăm, mâu tơdroăng ki tơƀrê hiăng châ Khu lâp kong têa, Khu cheăng Khoa hok ƀă Kih thuât Việt Nam, mâu khu ki rơkê ‘na khoa hok ƀă kŏng ngê̆. Malối, khê̆n kơdeăn 135 ngế ki rơkê khoa hok ƀă kŏng ngê̆ châ pơ-eăng  inâi.

Tiô Kăn xiâm hnê ngăn Kuô̆k hô̆i, mâu ngế rơkê thế hlê tơdroăng ki nếo, ‘nâi tơmiât ‘na khoa hok rơtế ƀă mâu tơdroăng ki pơxúa khât, ƀă tơƀrê vâ chông djâ khoa hok ƀă kŏng ngê̆ chiâng tơdroăng mơnhông tơnêi têa. Đảng, Tơnêi têa đi đo tơmâng ƀă pơkâ tuăn loi a mâu ngế rơkê dêi tơnêi têa; mơjiâng khu ki rơkê, rơdêi tung tŭm tơdroăng ƀă mơnhông krá ton cho hnoăng cheăng dêi Đảng, Tơnêi têa, dêi khu cheăng kal kí ƀă pơlê pơla.