A tíu pêi cheăng dêi Kăn xiâm hnê ngăn tơnêi têa, pôa Võ Văn Thưởng, Kăn xiâm phŏ hnê ngăn tơnêi têa tơdah Ngế xiâm phŏ hnê ngăn kong têa Kul - pôa Samdech Krolahom Sar Kheng tung rôh lăm pôu pêi cheăng a Việt Nam.  A rôh pêi cheăng, pôa Võ Văn Thưởng, Kăn xiâm hnê ngăn tơnêi têa rơkâu kong têa Kul tơkŭm po klêi tơniăn hneăng tâ phĭu Hô̆i đong cheăm, bêng tung hneăng 5; xo pêi klêi hnoăng cheăng pro Kăn xiâm hnê ngăn ASEAN ƀă AIPA tung hơnăm 2022, kum hnoăng pơkuâ ƀă ki nhoăm tung lâp plâi tơnêi dêi Kul tâk hên.

Kăn xiâm hnê ngăn tơnêi têa tối ăm ‘nâi, kơxô̆ liăn châ xo ing tê kế tơmeăm pơla péa pâ châ tơƀrê; mâu tơdroăng tơrŭm cheăng kâ, trâm mâ kuăn pơlê hlo pêi pro tơƀrê, tung mê trâm mâ kuăn pơlê péa tơnêi têa a mâu kong pơlê a kĭng tơkăng kong. Pôa Võ Văn Thưởng, Kăn xiâm hnê ngăn tơnêi têa vâ môi tuăn ƀă pôa Samdech Krolahom Sar Kheng, Ngế xiâm phŏ hnê ngăn kong têa Kul ‘na mơdêk tơrŭm cheăng tung kơpong tíu tơkăng kong ing mâu bo cheăng tê mơdró tơkăng kong, mơdêk pê klêi tơneăn tâp hdró troăng tơkăng kong a tơnêi, ing mê, mơdêk mơjiâng troăng tơkăng kong hơniâp, tơrŭm, tơrôa ƀă mơnhông tơƀrê.