Hâi lơ 20/3, Vi ƀan pơkuâ Kuô̆k hô̆i hiăng tơkŭm po rôh hôp tiâ mơnhên a Rôh hôp má 21 ‘na mâu tơdroăng ki ối tung kơvâ hngêi tơleăng ƀă kơvâ arak luât. Tơpui pơxiâm po rôh hôp tiâ mơnhên, pôa Vương Đình Huệ, Kăn xiâm hnê ngăn Kuô̆k hô̆i pơchân, tơdroăng ki tiâ mơnhên tá 2 kơvâ cheăng kố pơrá ai tơdroăng ki po rơdâ, mâu kăn Kuô̆k hô̆i pơkâ mơ’no rơkong kơ-êng ‘nâng ‘nâi, kal kơ-êng tro tơdroăng.

Mâu ngế xiâm pơkuâ kơvâ tiâ tơdrăng, ‘nâng ‘nâi, tro tơdroăng, pêi pro nhên mâu tơdroăng êng a kăn Kuô̆k hô̆i tối, tơdrêng a mê hlối pơkâ mơ’no mâu tơdroăng pei pro ki kal, tơƀrê vâ mơdêk ivá, xêt khât, tơƀrê hnoăng cheăng pơkuâ kơvâ rak ngăn, pêi pro tro tiô tơdroăng ki pơkâ thế, loi tơngah dêi kuăn pơlê tung lâp tơnêi têa.

Rôh kơ-êng kố cho rôh vâ mâu ngế xiâm pơkuâ tối tơbleăng troh kuăn pơlê mâu tơdroăng ki tro khât ‘na klêi kơ’nâi hnoăng cheăng dêi kơvâ cheăng tơná. Mơgêi rôh kơ-êng, Vi ƀan pơkuâ Kuô̆k hô̆i kô pơkâ tơdroăng vâ pêi pro ƀă séa ngăn.