Drêng troh leh tơbâ 68 hơnâm hâi Thái pơkeăng Việt Nam lơ (27/2/1955 - 27/2/2023), kơxê lơ 27/2, pôa Vương Đình Huệ, kăn xiâm hnê ngăn Kuô̆k hô̆i hiăng troh lăm pôu, rơkâu ƀă hơlêm mâu yăo sư, ƀok thái pơkeăng, thái pơkeăng rơtế ƀă mâu kăn ƀô̆, mâu ngế pêi cheăng, mâu lêng, mơngế pêi cheăng veăng pêi tơdroăng cheăng a Hngêi pơkeăng 108.

Teăng mâ kăn xiâm Đảng, Tơnêi têa, pôa Vương Đình Huệ, Kăn xiâm hnê ngăn Kuô̆k hô̆i khĕn kơdeăn, rơkâu, mơnê khât kơ mâu ƀok thái pơkeăng ƀă mâu ngế cheăng ngăn pơkeăng tung lâp tơnêi têa tối tơjuôm ƀă mâu hnoăng veăng ‘no kân kĭn hiăng châ pêi pro tung mâu hơnăm hdrối.

Pôa Vương Đình Huệ loi khât tiah kố, mâu tơdroăng ki xơpá mê dêi kơvâ cheăng bú pơtân ƀă tơbâ 68 hơnăm kô cho rôh vâ kơvâ ngăn pơkeăng  ‘no ivá môi tuăn rĕng tơkâ luâ tŭm tơdroăng xơpá; hlối púi vâ lối 500 rơpâu ngế kăn ƀô̆ ngăn pơkeăng pơlât, thái pơkeăng Việt Nam tối tơdjuôm tung lâp Tơnêi têa tối tơdjuôm, mâu cheăng khăm pơlât, ƀok thái pơkeăng dêi Hngêi pơkeăng 108, mâu ngế thái pơkeăng, thái hnê, mâu lêng kơhnâ pêi cheăng tâi ivá tá tuăn mơno, púi vâ châ pleăng hnoăng cheăng tơná pê klêi hnoăng cheăng pơcháu dêi ăm tơná tung tơdroăng cheăng chiâng mơngế, tŏng kum kuăn mơngế.