Kơxê lơ 27/1, pôa Vương Đình Huệ, Kăn xiâm hnê ngăn Kuô̆k hô̆i hiăng lăm pôu rơkâu Têt Viê̆n hriăn ‘nâi plĕng ‘na mơjiâng luât dêi Vi ƀan pơkuâ cheăng Kuô̆k hô̆i. Pôa Vương Đình Huệ ai tối tiah kố, Viê̆n hriăn ‘nâi plĕng ‘na luât cho hriăn mơjiâng krá, xiâm tơkŭm, mơhnhôk tăng hên mơngế ki rơkê veăng ‘no hnoăng hnê tối ăm Kuô̆k hô̆i, malối cho tung tơdroăng cheăng ‘na mơjiâng luât. Xua mê, Kăn xiâm hnê ngăn Kuô̆k hô̆i púi vâ Viê̆n hriăn ‘nâi plĕng mơjiâng luât pơtối rak vế mâu tơdroăng ki hiăng châ pêi pro, pêi tro tiô Tơdroăng cheăng dêi Đảng khu kăn Kuô̆k hô̆i; tơkŭm a mâu tơdroăng ki kân, ki pá, tơvâ tơvân.

Kăn xiâm hnê ngăn Kuô̆k hô̆i tối, tơdroăng mơjiâng luât ai hên tơdroăng pâ thế tá tơdroăng pêi hlo ƀă mâ ƀă tá tơdroăng ki kal, la ki kal má môi xuân thế pro mơnhông mơdêk rĕng, krá hlối tơrŭm cheăng trâu rơdâ dêi tơnêi têa.