Kơxê lơ 28/2, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah pôa Park Hark Kyu, Kăn xiâm pơkuâ liăn ngân Kŏng ti Samsung Electronics. Pôa Vương Đình Huệ kheăn kơdeăn tơdroăng tê mơdró dêi khu cheăng mâu Kŏng ti Samsung a Việt Nam. Pói vâ Samsung pơtối mơ’no liăn cheăng ton xŏn, mơnhông mơdêk a Việt Nam, Kăn xiâm hnê ngăn Kuô̆k hô̆i mơnhên, Kuô̆k hô̆i Việt Nam , Chin phuh Việt Nam đi đo tơmâng rak tơniăn kơchơ mơ’no liăn cheăng tê mơdró, thăm mơdêk ivá tơbriât cheăng, mơjiâng tơdroăng tơ’lêi hlâu má môi ăm mâu khu mơ’no liăn cheăng pêi kâ ton xŏn ƀă tơ’lêi hlâu a Việt Nam.

Pôa Park Hark Kyu tối nhên, Samsung kô mơ’no liăn cheăng ton xŏn ƀă pơtối châ tơƀrê a Việt Nam, kố cho tơdroăng tŏng kum, pro tơ’lêi hlâu dêi Kuô̆k hô̆i, Chin phuh Việt Nam hiăng mơjiâng tíu mơ’no liăn cheăng cho lĕm tro ăm mâu khu tê mơdró. Tung la ngiâ, khu tê mơdró kô mơ-eăm tâi ivá cho khu tê mơdró mơ’no liăn cheăng kân má môi ƀă ton xŏn a Việt Nam.