Pôa Vương Đình Huệ, Kăn xiâm hnê ngăn Kuô̆k hô̆i tối nhên, Khu tơrŭm châu Âu cho kong têa tơrŭm cheăng ki kal tung troăng hơlâ tơpui kâ dêi Việt Nam. Xua mê, Việt Nam rơhêng vâ mơdêk tơrŭm cheăng ƀă EU xuân môi tiah ƀă mâu kong têa ki tơrŭm cheăng; tơdrêng a mê hlối mơnhên tối khât mâu tơdroăng ki pêi pro tơƀrê, pêi pro ki kal tung tơrŭm cheăng Việt Nam – EU tung mâu tơdroăng ki xiâm cho tơdroăng kal kí – gâk kring; tơpui kâ; tê mơdró; mơ’no liăn cheăng; pêi chiâk deăng; păn ká xi xŏng; gâk kring pơlê pơla cheăm bêng; tơrŭm mơ’no liăn cheăng mơnhông; tơpui kâ hnoăng pơkuâ ƀă hên ki ê.

Ki ê, Việt Nam, Kuô̆k hô̆i Việt Nam đi đo môi tuăn mơdêk tơrŭm cheăng la ngiâ ASEAN - EU ƀă hbrâ rơnáu cho hnoăng cheăng ki kal tung tơdroăng kố. Ngế  xiâm hnê ngăn Vi ƀan Tơpui kâ dêi Kuô̆k hô̆i râ má môi châu Âu ăm ‘nâi, rôh lăm pôu ƀă pei cheăng a Việt Nam cho vâ mơdêk tâ nếo tơrŭm cheăng pơla EU ƀă ASEAN; tơdrêng a mê hlối mơdêk tơpui kâ Kuô̆k hô̆i râ má môi.