Klăng roh apoăng rơnó Hơngui, hơnăm nếo ƀă Leh tơbâ 93 hơnăm Hâi mơjiâng Đảng Kŏng san Việt Nam quang vinh (3/2), kơxo lơ 30/1, a thôn Trường Sơn, cheăm Chân Sơn, tơring Yên Sơn, kong pơlê Tuyên Quang – tíu ‘’Pơlê kong xiâm kơpong tơleăng lĕm’’, ‘’Pơlê kong xiâm tơplâ tơplâ xâ’’, pôa Vương Đình Huệ, Kăn xiâm hnê ngăn Kuô̆k hô̆i hiăng veăng Leh mơhnhôk tơ’noăng ƀă ‘’Têt pêt loăng troh tá ah pâ Pôa Hồ’’ Hơngui Quý Mão 2023.

Kăn xiâm hnê ngăn Kuô̆k hô̆i mơnhên, Hơngui Quý Mão pơtối cho hơnăm ‘’Têt pêt loăng’’ châ pêi pro ing rơnó Hơngui Canh Tý tŭm 63 hơnăm ahdrối rơkong krếo thế dêi Pôa Hồ Chí Minh, Kăn xiâm hnê ngăn tơnêi têa. Ƀă tơdroăng nếo, khŏm mơ-eăm nếo, troăng pêi nếo, Kăn xiâm hnê ngăn Kuô̆k hô̆i loi tơngah ‘’Têt pêt loăng troh tá ah pâ Pôa Hồ’’ rơnó Hơngui Quý Mão hơnăm 2023 dêi kong pơlê Tuyên Quang kô châ tơƀrê lĕm tâ, kum mơjiâng tơnêi têa Việt Nam thăm ngiât lĕm, mơnhông krá tơniăn, môi tiah pói vâ krih tơviah dêi Pôa Hồ Chí Minh, Kăn xiâm hnê ngăn tơnêi têa hneăng apoăng: “Rơnó Hơngui cho Têt pêt loăng/Pro ăm tơnêi têa rế hía rế rơngiâp lĕm’’.