Kong măng lơ 29/11 (tiô chôu kong têa), pôa Vương Đình Huệ, kăn xiâm hnê ngăn Kuô̆k hô̆i ƀă Khu kăn xiâm Kuô̆k hô̆i tơnêi têa pin hiăng troh a tơraih tơƀai lêng Fairbain, Pơlê kong xiâm Canberra pơxiâm rôh lăm pôu păng ‘nâng kong têa Australia tiô rơkong krếo thế dêi pôa Milton Dick, Kăn xiâm hnê ngăn Kuô̆k hô̆i râ má péa Australia prế jâ Sue Lines, Kăn xiâm hnê ngăn Kuô̆k hô̆i râ má môi Australia. Rôh lăm pôu păng ‘nâng kong têa Australia dêi pôa Vương Đình Huệ ƀă Khu kăn cheăng tung Kuô̆k tơnêi têa pin rôh kố kô veăng kum pro trâu hngế tâ nếo tơrŭm cheăng tung la ngiâ pơla péa tơnêi têa tối tơdjuôm tơrŭm cheăng pơla kăn pơkuâ péa tơnêi têa tối krê, thăm mơdêk tơrŭm tâ nếo tơrŭm cheăng pơla péa pâ tung mâu kơvâ cheăng, malối cho cheăng kâ, tê mơdró – ‘no liăn cheăng, hnê hriâm – hnê cheăng pêi, tơdroăng cheăng lêng – gâk kring.

Tung rôh lăm pôu rôh kố, pôa Vương Đình Huệ kô koh hmât tơpui tơno ƀă kăn pơkuâ xiâm dêi Australia; veăng hôp a rôh hôp cheăng kâ, Rôh hôp tơrŭm cheăng hnê hriâm, pôu ngăn mâu hngei trung đăi hok, trâm mâ, tơpui tơno ƀă kuăn pơlê Việt Nam a Australia.