Ƀă hiâm mơno, “Tơrŭm-Tơniăn-Pôu râng hnoăng cheăng-Hơ’lêh nếo-Mơnhông”, hneăng hôp hiăng pơkâ mơ’no hên tơdroăng vâ pêi, hnoăng cheăng ki kal vâ thăm mơdêk môi tuăn tung pơlê pơla, mơdêk ivá rơdêi khu tơrŭm tâi tâng hdroâng kuăn ngo. Tiô tối tơbleăng a hneăng hôp, tung 5 hơnăm hdrối pêi cheăng dêi Măt trâ̆n Tơnêi têa Việt Nam rêm râ ƀă mâu khu tơrŭm mâu ngế cheăng a kong pơlê Dak Lak hiăng ai hên hơ’lêh nếo, rak hnoăng cheăng ki kal tung mâu tơdroăng tơ’noăng ƀă tơdroăng cheăng kal kí pơlê pơla.

Hneăng hôp hiăng môi tuăn pơtroh 93 ngế cheăng Vi ƀan Măt trâ̆n Tơnêi têa Việt Nam kong pơlê Dak Lak hneăng 15, pơla hơnăm 2024-2029. Pôa Y Giang Gry Niê Knơng châ vêh pro kăn hnê ngăn Măt trâ̆n Tơnêi têa Việt Nam kong pơlê Dak Lak hneăng nếo. Pôa Y Giang Gry tơpui, tung la ngiâ ah, Măt trâ̆n Tơnêi têa rêm râ a Dak Lak pơtối tơkŭm mơdêk ki rơkê, tơƀrê séa ngăn ƀă tối tơbleăng tung pơlê pơla, mơdêk tơdroăng ki tơniăn krê ƀă thăm mơdêk khu tơrŭm.