Kơxo lơ 15/3, Khu pơkuâ cheăng Đảng kong pơlê Lâm Đồng hiăng tơkŭm po hôp séa ngăn pơkâ thế pêi pro pơxâu phâk đảng viên ƀă pôa Nguyễn Ngọc Ánh, Kăn pơkuâ séa ngăn kong pơlê Lâm Đồng. Pôa Nguyễn Ngọc Ánh, Kăn pơkuâ séa ngăn kong pơlê Lâm Đồng nếo tro Kơ koan kan sát séa ngăn Khu xiâm pơkuâ Kŏng an pro Pơkâ xăm tối ngế xôi, pơkâ rup kroăng ƀă séa ngăn tíu ối (a bêng 3, pơlê kong kơdrâm Đà Lạt) vâ séa ngăn ‘na tơdroăng tơdah xo liăn tong ăm mơhá ôh tro luât.

Pôa Ánh châ tối cho ai tơdjâk troh tơdroăng pro xôi tung hnê mơhno, mơgêi séa ngăn ‘na mâu tơdroăng pro xôi tung pơkuâ, xúa tơnêi, pơcháu tơnêi, pơcháu kong a môi tơdroăng tơkêa kân tung tơring Đức Trọng (Lâm Đồng). Pôa Ánh cho đảng viên ối pêi cheăng a Chi ƀô̆ Séa ngăn kong pơlê Lâm Đồng, ối tung Đảng ƀô̆ khô̆i mâu kơ koan kong pơlê Lâm Đồng.

A roh hôp, Khu pơkuâ cheăng Đảng kong pơlê Lâm Đồng môi tuăn pơkâ Tơnêi têa mơ’no lo ing đảng ƀă pôa Nguyễn Ngọc Ánh.