A kong pơlê Bình Phước nếo po hneăng hôp mơgêi tơrŭm cheăng mơnhông cheăng kâ rêh ối pơla Pơlê kong kân Hồ Chí Minh ƀă mâu kong pơlê pa hdroh tơnêi têa. Tung hơnăm hdrối mê hía ‘nah, Pơlê kong kân Hồ Chí Minh ƀă mâu  kong pơlê peăng mâ Hâi lo pa Hdroh tơnêi têa hiăng châ pêi pro tơƀrê mâu tơdroăng ki mơ-eăm tung mơnhông cheăng kâ - rêh ối dêi kơpong ƀă tung lâp tơnêi têa.

Ing tơrŭm cheăng, sap hơnăm 2026 troh nôkố, kong pơlê Bình Phước hiăng tơ’mot châ 127 tơdroăng tơkêa bro dêi mâu khu mơdró Pơlê kong kân Hồ Chí Minh troh ‘no liăn cheăng, ƀă kơxô̆ liăn tơhrâ dâng 7 rơpâu tơdế rơtal liăn. Tung pơla sap hơnăm 2014 - 2020, mâu khu mơdró Pơlê kong kân Hồ Chí Minh troh a Tây Ninh ‘no liăn pêi 42 tơdroăng tơkêa bro ƀă lối 7.100 rơtal liăn.

Sap nôkố troh hơnăm 2030, Pơlê kong kân Hồ Chí Minh pơtối kĭ tơrŭm cheăng ƀă mâu kong pơlê Peăng mâ Hâi lo ‘na hdroh  tơnêi têa. Tơdroăng kĭ tơhrâ mơjiâng pro rơtâ tá tơdroăng pơkâ kơpong; luât pơkâ xing xoăng mơnhông kơpong; tơdjêp ƀă tíu tê - rôe, mơhnhôk ‘no liăn cheăng - tê mơdró; tơdjêp ‘na troăng prôk, mơjiâng tơmeăm khoăng, tíu pêi cheăng; kơvâ hnê hriâm, ‘na pơkeăng pơlât, hnê mơngế pêi cheăng; khoa hok kơmăi kơmok; pơ’lêh kơxô̆.