Hâi lơ 26/2, Đoân Khô̆i khu mơdró xiâm tơnêi têa ƀă Khu pơkuâ ngăn đoân kong pơlê Bắc Kạn tơkŭm po leh pơxiâm pêi tơdroăng cheăng tung khế droh rơtăm; mơhnhôk Têt pêt loăng “Đi đo pâ mơnê kơ Pôa Hồ’’.  Tung pơla hdrối kố nah, pơtối rak vế pêi pro tiô tơdroăng mơhnhôk, tơdroăng cheăng dêi hơnăm ối nếo, Khu mơdró xiâm tơnêi têa ƀă khu pơkuâ ngăn Đoân Droh rơtăm kong pơlê Bắc Kạn hiăng châ ‘mâi hơ’lêh ing mâu tơdroăng mơhnhôk, pêi cheăng ai pơxúa xua tơdroăng rêh ối dêi kuăn pơlê ƀă veăng ‘no hnoăng cheăng pêi tơniăn rêh ối pơlê pơla, mơnê mâu ai hnoăng.

Rôh kố, hên tơdroăng cheăng pêi ai pơxúa khât tung khế droh rơtăm châ tơkŭm po mê cho: Pro ăm 2 veăng kơmăi vi tĭnh; pơcháu 2 veăng ki nếo pro, pơxiâm pro hngêi tuăn pâ, rơtế ƀă chêh tơbleăng a mâu tíu mơjiâng tơmeăm khoăng droh rơtăm; Lăm pôu hbru tơmeăm ăm mâu rơpŏng ai hnoăng, kuăn pơlê ki kơtiê xơpá; hbru rơxế mái ăm hok tro kơtiê ki mơ-eăm tung hriâm; Tơbleăng pêt 10 rơpâu xiâm loăng ngiât ƀă mơjiâng mâu tơdroăng cheăng pơ’lêh kơxô̆ a tung kong pơlê Bắc Kạn.