Kơxo lơ 14/12, a tíu xiâm po Rôh hôp tơnêi têa (Hà Nội), Hneăng hôp khu kăn lâp tơnêi têa Đoân Droh rơtăm Kŏng san Hồ Chí Minh rôh 12, pơla hơnăm 2022 – 2027 ƀă inâi “Rơhêng vâ – Djâ troăng – Tơrŭm – Khên tơnôu – Tơmiât rơkê” pơxiâm po kân krip ƀă tơdroăng ki veăng hôp dêi 980 ngế cho kăn ƀô̆, đoân viên ki kơhnâ rơkê teăng mâ ăm lối 22 rơtuh ngế doân viên, droh rơtăm Việt Nam tung ƀă a kong têa ê.

Mâu kăn ki veăng hôp a Hneăng hôp Đoân lâp tơnêi têa rôh 12

Hneăng hôp kố cho tơdroăng cheăng kal kí ki kal dêi hơnăm ối néo Việt Nam, hdró ivá mơ-eăm, tơdroăng ki pêi pro rơkê dêi khu tơrŭm Đoân ƀă tơdroăng tơ’noăng droh rơtăm mâu phô̆m vâ xông kân tung 5 hơnăm hdrối. Hneăng hôp ai hnoăng cheăng mơgêi tơdroăng pêi pro Pơkâ Hneăng hôp mâu kăn lâp tơnêi têa Đoân Droh rơtăm Kŏng san Hồ Chí Minh rôh má 11, pơla hơnăm 2022 – 2027; mơnhên tơdroăng pơkâ; hnoăng cheăng ƀă troăng hơlâ hnoăng cheăng Đoân ƀă tơdroăng tơ’noăng droh rơtăm mâu phô̆m vâ xông kân sap hơnăm 2022 – 2027.

Hneăng hôp kô Pôk kăn pơkuâ ngăn Khu xiâm Đoân rôh má 12, hơnăm 2022 – 2027; ‘mot tơ’nôm, ‘mâi rơnêu Tơdroăng pơkâ Đoân ƀă tơbleăng Tơdroăng pơkâ Đoân ki ‘mâi rơnêu, ‘mot tơ’nôm.