Leh rơnó Hơngui pleăng mơheăm tơdroăng pleăng mơheăm kân má môi rôh apoăng hơnăm nếo pơxiâm po hâi lơ 6/2 ƀă ton ta troh lơ 12/2.  Tiô tối hdrối kô tơdah xo dâng 6 rơpâu cc mơheăm, leh rơnó Hơngui pleăng mơheăm rôh kố ai tơdroăng hnê “Pleăng mơheăm apoăng hơnăm - Mơdêk tơ’nôm tơdroăng hơniâp ro” xua Viện Huyết học- Truyền máu Trung ương tơrŭm ƀă Khu droh rơtăm Mơhnhôk pleăng mơheăm Hà Nội tơkŭm po.

Luâ 15 rôh tơkŭm po, ai lối 100 rơpâu cc mơheăm, Leh mơdĭng rơnó Hơngui pleăng mơheăm ƀă dế mơhno ki  pêi pro hên troh lâp lu,  vâ ai chât rơpâu ngế  tuăn hơ-ui pâ tung kuăn pơlê vâ pleăng mơ-heăm, hlối chiâng tơdroăng púi tơngah, dêi rơpâu ngế kuăn pơlê vâ veăng pêi tơdroăng lĕm tơdrêng tung Khế Môi.

Phŏ Yăo sư, Tiê̆n sih Nguyễn Hà Thanh, Viện trưởng Viện Huyết học-Truyền máu Trung ương ăm ‘nâi, hdrối po Leh  pleăng mơheăm  châ po, mê lối 2 khế hdrối, Viện Huyết học- Truyền máu Trung ương hiăng tơdah xo vâ chê 60 rơpâu cc mơheăm vâ pơlât tơdrêng ăm mâu ngế kal vâ mơheăm tung rôh Têt Lo hơnăm nếo Qúy Mão.