Hneăng hôp hiăng pôk Khu pơkuâ ngăn hneăng nếo. Pôa Lương Quốc Đoàn pơtối châ pôk pro Kăn hnê ngăn Tíu xiâm Khu ngăn kuăn pơlê pêi chiâk Việt Nam hneăng IX. Mot tung hneăng nếo, khu kố kô pơhlêh mơdêi sap ing mơhnhôk chiâng pêi pro tơdrêng, pơkâ pêi ‘mot tơ’nôm 500.000 ngế hô̆i viên, tŏng gum mơjiâng iâ hlái 5.000 khu mơdró kâ pêi chiâk ƀă hbrâ rơnáu xúa kong ngê̆ kơxô̆ ăm 79% ngế hô̆i viên.

Hneăng hôp hiăng tơbleăng mâu troăng hơlâ pêi pro mơnhông tơƀrê vâ mơjiâng khu kuăn pơlê pêi chiâk rơkê, mơdêk pêi chiâk deăng ngiât ƀă pơhlêh xúa kong ngê̆ kơxô̆, pro chiâng ivá krá rơdêi ăm kế tơmeăm pêi lo ing chiâk deăng Việt Nam châ tê tung kơchơ mơdró lâp plâi tơnêi. Tơpui hnê mơhno a Hneăng hôp, pôa Trần Cẩm Tú, Ngế cheăng tung Khu xiâm kal kí, Kăn pơkuâ ngăn Đảng loi tơngah: Tung hneăng ki nếo tơmiât troh tơbâ 100 hơnăm mơjiâng Đảng Kŏng san việt Nam, khu mơjiâng Kuăn pơlê pêi chiâk rêm râ ƀă tơdroăng tơ’noăng kuăn pơlê Việt Nam krá tơniăn, kô ai hvêa chêng prôk tơƀrê, pro chiâng mâu tơdroăng pơxúa kân, veăng gum pêi pro ƀlêi chiâng Pơkâ Hneăng hôp rôh má XIV dêi Đảng, mơjiâng tơnêi têa hơniâp lĕm, tơniăn, kro mơdrŏng, rơkê plĕng ƀă tơniăn lĕm.