Kơxo lơ 24/3, Đảng ủy Khô̆i mâu kơ koan Tơnêi têa tơkŭm po Rôh hôp tối tơbleăng tơdroăng kal ‘na inâi pơla sap ing khế môi troh khế 3 hơnăm 2023. A rôh hôp, mâu kăn châ tơmâng tơdroăng “Cheăng kâ Việt Nam hơnăm 2022, mâu tơdroăng ki xơpá, pơloăng mơnúa ƀă loi tơngah hơnăm 2023” ƀă mâu tơdroăng kal tơpui tơno khế 1 ƀă khế 2/2023. Ki xiâm dêi tơdroăng tơbleăng kố hiăng veăng kum ăm kăn ƀô̆, đảng viên, ngế pêi cheăng tung Kuô̆k hô̆i ai troăng ngăn ki rơkê tơtro, ƀă hên tơdroăng ki nếo ‘na cheăng kâ Việt Nam tung pơla hdrối nah.

‘Na troăng tơmiât tung pơla sap ing khế 4 troh khế 6 la ngiâ, Đảng ủy Khô̆i mâu kơ koan Tơnêi têa pơkâ thế, mâu Đảng ủy ối tung khu pơtối séa ngăn ƀă tơkŭm pêi pro tơƀrê Pơkâ hneăng hôp kân 13 dêi Đảng, tơdroăng cheăng tung la ngiâ mơnhông mơdêk cheăng kâ reh ối pơlê pơla 10 hơnăm hơnăm 2021 – 2030, túa pơkâ mơnhông mơdêk cheăng kâ rêh ối pơlê pơla 5 hơnăm hơnăm 2021 – 2025; Mơgêi dêi Tơnêi têa, Khu xiâm pơkuâ tơdroăng kal kí, Khu pơkuâ ngăn Đảng ƀă Pơkâ dêi Kuô̆k hô̆i ‘na Túa pơkâ mơnhông mơdêk cheăng kâ rêh ối pơlê pơla hơnăm 2023.

Pơtối tơrŭm, khŏm mơeăm pêi pro tro má môi; ‘mâi mơnhông xơpá, pêi pro tơdrêng mâu rôh tơ’lêi hlâu, mơhnhôk ƀă ‘mâi mơnhông, mơdêk cheăng kâ rêh ối pơlê pơla.