Kong pơlê Kon Tum nôkố dế mot a rơnó tô dêi roh khăng khoăng ƀă hên ƀăng deăng kong ki tơ’lêi chếo kong râ V, râ ki rơ-iô. Drêng ai tơdroăng kố khu cheăng ƀă khu râ kăn pơkuâ dế thăm pêi pro tơdroăng hbrâ mơdât on chếo kong. Tiô Kơ koan xiâm pơkuâ gak ngăn kong dêi kong pơlê Kon Tum, nôkố ai 7/10 tơring, pơlê kong kơdrâm tung kong pơlê tối hdrối tơ’lêi chếo kong dế râ ki má V, râ ki rơ-iô má môi.

Tung tâi tâng kơxô̆ lối 610.600 ha kong dế ai nôkố dêi kong pơlê, ƀăng kong châ mơnhên tơ’lêi chếo cho lối 227.000 ha. Krê 4 tơring peăng mâ hâi luô, mê cho: Ngọc Hồi, Đăk Tô, Sa Thầy ƀă Ia HDrai ai lối 96.100 ha kong tơ’lêi chếo. Pôa Nguyễn Văn Nam, Kăn phŏ pơkuâ kơ koan xiâm gâk ngăn kong kong pơlê Kon Tum tối ăm ‘nâi, khu cheăng ƀă khu râ kăn pơkuâ mâu tơring dế thăm pêi pro tơdroăng hbrâ mơdât chếo kong.