Kơ’nâi 7 hơnăm tơdế riân sap hâi pơxiâm pro, troăng kân Đông Tây pơlê kong kơdrâm Ƀuôn Ma Thuột, kong pơlê Dak Lak, nếo hlo ai mâu hâi mơjiâng pro thâ rĕng. Pơklât thế ing mâu kăn pơlê kong kơdrâm ai pơkâ ăm khu mơjiâng pro, tung tơdế khế kố ah, Troăng prôk ki kơnâ lối 1 rơpâu 200 rơtal liăn mê thế chiâng prôk, vâ xúa tung Hâi leh tơbleăng kơphế Ƀuôn Ma Thuột roh má 8 hơnăm 2023.  

Tơvâ kân ‘na tơnêi vâ mơjiâng pro troăng kân ki vâ prôk ing Đinh Tiên Hoàng - Lê Duẩn to a kông tơkâ luâ têa krông Ea Tam hiăng châ pro sap ing mơ’nui hơnăm nah.  Nôkố mâu rơxế hiăng chiâng kơtâu luâ kông. Troăng kân Đông Tây xŏn 6.9km  ôh tá xê to prôk rĕng troh pơla troăng ki vâ prôk ing tơraih tơƀai Ƀuôn Ma Thuột vêh troh pơlê kong kơdrâm, mê ối po môi troăng mơnhông mơdêk nếo peăng hdroh .

Sap pơla troăng ki mê, ngăn kô châ hlo ki hên kơpong tơdế Ƀuôn Ma Thuột, hlối  châ hlo long Ea Tam ki dế mơjiâng pro ƀă kơpong “Kơphô̆ hngêi pơkeăng” tung pơkâ hdró mơnhông mơdêk kơphô̆ troh hơnăm 2023.