Kơxo lơ 14/3, a Pơlê kong kân Đà Nẵng, Khu tơpui Khu pơkuâ mô đô̆i hneăng troh nah gâk kring têa kơxĭ pơlê kong kân Đà Nẵng tơkŭm po leh tơbâ 35 hơnăm hâi hlâ dêi mâu ngoh khên tơnôu hlâ tung tơplâ xâ a rơlố  Gạc Ma. Veăng leh tơbâ ai kăn teăng mâ Khu xiâm pơkuâ lêng kơpong 3 Lêng têa kơxĭ, mâu nhŏng o mâu mô đô̆i ki hlâ tung tơplâ xâ. Hâi lơ 14/3/1988, 64 ngế lêng rơlốu Gạc Ma tung roh tơplâ xâ hiăng hlâ xêh tung têa kơxĭ trâu.

Tơdroăng Gạc Ma hiăng mơnhên hiâm mơno pâ nhuô̆m tơnêi têa, tung mê ai 10 ngế rơtăm ối nếo dêi kong pơlê Quảng Nam – Đà Nẵng (ton nah). A roh leh, Khu rak tơpui Khu pơkuâ mô đô̆i hneăng hdrối nah lêng gâk kring têa kơxĭ pơlê kong kân Đà Nẵng diâp mâu kơxuô kŭn ăm mâu nhŏng o mô đô̆i ki hlâ tung tơplâ xâ.