Kơxê lơ 2/12, a tíu pêi cheăng dêi Kăn xiâm hnê ngăn tơnêi têa, Ƀơrô Kăn xiâm hnê ngăn tơnêi têa tơkŭm po hôp tối tơbleăng Luât dêi Kăn xiâm hnê ngăn tơnêi têa tơbleăng 'na luât hiăng châ Kuô̆k hô̆i hneăng 15 tơbleăng ing hneăng hôp rôh má 4. Ing mê, Luât châ tơbleăng cho: Luât ‘mâi hơ’lêh, tơ’nôm mâu tơdroăng dêi Luât Tần số vô tuyến điện; Luât pêi pro tiô tuăn kuăn pơlê a kong pơlê, tơring, cheăm; Luât Têa châu, Luât hbrâ, mơdât tơhôu tôu pâm tung on veăng rơpŏng hngêi; Luât Séa ngăn ƀă Luât hbrâ mơdât xúa liăn ôh tá tơdrăng.

A rôh hôp ƀă khu chêh hlá tơbeăng, tiâ  rơkong mâu ngế chêh hlá tơbeăng kơ-êng ‘na Luât Séa ngăn tối ki nếo hôm kâi ‘mâi rơnêu tơ’droăng ki hrá pơkâ tối mơgêi séa ngăn há? Tâng xuân ối hrá mê ngế ki lâi kô pôu râng? Pôa Trần Ngọc Liêm, Ngế Phŏ pơkuâ Séa ngăn Chin phuh tối drêng luât ki mê hiăng xêt ah kô pêi pro hlối, châ pêi pro mê mơno kô kơdroh hên tơdroăng ki hrá pơkâ tối mơgêi tơdroăng séa ngăn ƀă la ngiâ kô ôh tá hrá xếo.