Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkuâ hâi leh. Veăng leh ai mâu ngế cheăng tung khu xiâm Kal kí:  Pôa Lương Cường, Ngế pơkuâ hnê cheăng Đảng; pôa Lê Minh Hưng, Kăn hnê ngăn tíu xiâm Đảng, Ngế pơkuâ Tơrŭm cheăng Xiâm; pôa Phan Đình Trạc - Ngế pơkuâ tí tăng ‘nâi plĕng mâu tơdroăng dêi Tíu xiâm  rơtế ƀă mâu pôa: Lê Hoài Trung, Kăn hnê ngăn Tíu xiâm Đảng. Ngế pơkuâ Tơpui kâ xiâm tơnêi têa; pôa Nguyễn Duy Ngọc, Kăn hnê ngăn Tíu xiâm Đảng, Ngế cheăng xiâm Ƀơrô tơnêi têa ƀă mâu kăn dêi mâu Khu xiâm, kơvâ cheăng xiâm tơnêi têa.

A rôh leh, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa hiăng diâp hlá mơ-éa Pơkâ mơhnhôk thế, xoăng hnoăng cheăng pêi ăm pôa Trần Lưu Quang, Ngế cheăng tung Tíu xiâm Đảng, Ngế pro xiâm phŏ hnê ngăn Chin phuh pro Ngế Pơkuâ cheăng kâ Xiâm tơnêi tea; pơcháu hnoăng cheăng pêi ăm pôa Mai Văn Chính, Ngế cheăng tung tíu xiâm Đảng, Ngế phŏ pơkuâ Khu tơrŭm cheăng xiâm tơnêi têa pro Ngế pơkuâ hnê mơhnhôk cheăng xiâm tơnêi têa.