Kơmăng lơ 28/2 a Hngêi hơdruê kân pơlê kong xiâm Hà Nội, Tơdroăng Ngê̆ thuât koh tơbâ 80 hơnăm ai mâ Đề cương Văn hóa Việt Nam hiăng châ po ƀă tơdroăng ki veăng ai mâ dêi pôa Phạm Minh Chính, Ngế pro xiâm hnê ngăn Chin phuh rơtế ƀă mâu kăn kăn pơkuâ Đảng, Tơnêi têa, Măt trâ̆n Tơnêi têa Việt Nam hneăng hdrối. Tơpui a rôh leh, pôa Phạm Minh Chính, Ngế pro xiâm hnê ngăn Chin phuh tối nhên, Mơhno túa lĕm tro đi đo cho môi tung tơdroăng ki pơtối, ôh tá pơtê ing mâu rôh ki xơpá ‘na tơdroăng ton nah dêi rêm hdroâng mơngế, rêm tơnêi têa ƀă tá kuăn mơngế.

Mơhno túa lĕm tro hdroâng mơngế cho ki xiâm dêi rêm hơdroâng mơngế, cho mâu tơdroăng ki kơnía git ‘na hiâm mơno ki hdroâng mơngế mê tơmiât mơjiâng sap ing ton nah. Ngế pro xiâm hnê ngăn tơnêi têa tối nhên, ivá mơhno túa lĕm tro dêi hdroâng mơngế Việt Nam – ƀă tơdroăng ton nah lối hrĭng rơpâu hơnăm – hiăng đi đo cho ivá dêi hdroâng mơngế.

Kuăn pơlê Việt Nam ai hnoăng cheăng pôu râng, hâk tơngăm rak vế ƀă mơdêk ivá mơhno túa lĕm tro hdroâng mơngế krá tơniăn, tơtro ƀă tơdroăng nôkố, mê cho mơhno túa lĕm tro Việt Nam rơkê, mơhno túa lĕm tro hdroâng mơngế.