Kơxo lơ 3/3, Khu xiâm pơkuâ Đoân Droh rơtăm Kŏng san Hồ Chí Minh tơrŭm ƀă Khu xiâm pơkuâ mô đô̆i gâk tơkăng kong tơkŭm po tơdroăng pêi cheăng ‘’Khế pái tơkăng kong’’. Krê tơdroăng pêi cheăng ‘’Khế pái tơkăng kong’’ râ Tơnêi têa tơkŭm po a 3 kong pơlê Lạng Sơn, Quảng Trị ƀă Kiên Giang. Tơdroăng pêi cheăng ‘’Khế pái tơkăng kong’’ tơkŭm thăm pơtâng tối, hnê hriâm ăm đoân viên, hô̆i viên, droh rơtăm ‘na khôi túa lĕm tro, tơdroăng tuăn pâ pơlê xiâm tơnêi têa ƀă hnoăng cheăng dêi rơxông ối nếo ƀă hnoăng pơkuâ, gâk kring tơkăng kong, rơlố.

A kố, ai hên kơxuô tơmeăm ki kơnâ kô châ Khu tơkŭm po diâp ăm khu mô đô̆i gâk tơkăng kong, kuăn pơlê ƀă droh rơtăm phô̆m xông kân mâu tơring tơkăng kong ƀă 3 kong pơlê Lạng Sơn, Kiên Giang, ƀă Quảng Trị môi tiah: diâp kơxuô tơmeăm ăm rơpŏng ai hnoăng tơnêi têa ƀă hok tro ai tơdroăng rêh ối pá puât, diâp hlá cơ Tơnêi têa ăm mâu rơpŏng kuăn pơlê gâk kring troăng tơkăng kong, tŏng kum kơlá ăm troăng pêi ‘’Kơlá tơkăng kong Việt’’.

Ki rơhêng vâ tối pêi pro mâu tơmeăm ‘’Bâ eăng troăng tơkăng kong’’, troăng vâ lăm séa ngăn tơneăn tơkăng kong, ‘’Hngêi trung lĕm ăm o’’tơmeăm khoăng ‘’Hngêi mơdrah ăm o’’ ƀă hía hé. Ki kơnâ mâu kơxuô tơmeăm, tơmeăm khoăng, tơdroăng cheăng tung tơdroăng pêi cho lối 7,2 rơtal liăn.